Monday, May 08, 2006

Exit Poll

Exit Poll கணிப்புகள்

திமுக கூட்டணிக்கு :

ஸ்டார் நியூஸ் - 175

டைம்ஸ் நௌ - ஹன்ஸா - 150

சிஎன்.என் - ஹிந்து - 157 -167

அனேகமாக அனைவருமே சில வாரங்கள் முன் வெளியிட்டக் கருத்துக்கணிப்பில் வெவ்வேறு விதமாக சொல்லியிருந்தார்கள். நடுவில் என்னவாகியிருக்கும்? எப்படி மாற்றம் நிகழ்ந்திருக்கும்? கணிப்புகளும் ஜோசியம் போல்தான் என்பது என் கருத்து. விஞ்ஞானபூர்வமாக என்று இவற்றின் ஆதரவாளர்கள் சொன்னாலும் முடிவு / கணிப்பு தவறாக இருப்பதைப் பார்த்திருக்கிறோம்.

இருந்தாலும் கணிப்புகளை ஏற்றுக்கொள்ளும் பட்சத்தில், தமிழக மக்கள் மனதில் தேர்தல் ஆரம்பிக்கும் சமயம் இருந்த எண்ணங்களுக்கும் முடிவில் ஓட்டுச்சாவடிக்குப் போகும்போது இருந்த சிந்தனைகளுக்கும் இடையே நிறைய வித்தியாசம் இருந்திருக்கும் என்பது மட்டும் புரிகிறது. இலவச அறிவிப்புகளில் - அறிவித்தவை, அறிவித்த விதம், அறிவித்தவர்களின் மனோபாவம், அறிந்திருக்கும் அணுகுமுறைகள், இவற்றில் இதற்கான விடை இருக்கிறதோ? அல்லது வழக்கம்போல் மாற்றம் வேண்டி போடப்பட்ட வாக்குகளா?

ஆனால் ஒன்று மட்டும் தெளிவாக புரிகிறது. தேர்தலுக்கு இரண்டு நாள் முன்பிலிருந்து எல்லோருடைய கூவல்களும் - சப்தங்களும் மறைந்து, எல்லாவற்றையும் கூட்டிக் கழித்து மக்கள் மனசுக்குள் யோசித்து, போடும் கணக்குதான் கடைசியில் மோட்சம் என்பது நிரூபிக்கப்படுகிறதோ?

11 ந் தேதி காலை 11 மணிக்கு இன்னும் எவ்வளவு மணி நேரம் இருக்கிறது ? :-)

பி.கு: தமிழ்மணத்தின் exit poll கிட்டதட்ட இதே முடிவைக் காண்பிப்பதால் தமிழ் வலைப்பதிவாளர்கள் தமிழக மக்களின் சரியான பிரதிபலிப்பு ( representative?) என்று எடுத்துக்கொள்ளலாமோ?

10 comments:

SK said...

முதலில் வந்ததும் பொய்யே!
இப்போது வருவதும் பொய்யே!
11-ம் தேதி வருவதே மெய்!

வழவழா_கொழகொழா said...

கணிப்பு அதிமுக 157 லிருந்து 210 என்று இருந்தால் என்ன சொல்லியிருப்பீர்களோ? ;-)

சென்ற தேரிதலில் நீங்கள் சொன்னது கீழே :
============இன்செர்ட்==================
இந்தக் காரணங்களாலும் கணிப்புகள் வாக்காளர்களிடம் பாதிப்பை ஏற்படுத்தும் என்று நினைத்திருந்ததாலும் கணிப்புகள் வெளியிடப்படுவது பற்றி எனக்கு மாறுபட்ட கருத்து இருந்தது. ஆனால் இப்போது கடந்த சில தேர்தல் முடிவுகளை கவனித்ததில் என் அபிப்பிராயத்தை மாற்றிகொள்கிறேன்.

காரணம் 1: கருத்துக்கணிப்புகள் எந்தவிதத்திலும் வாக்காளார்களிடம் பாதிப்பை ஏற்படுத்தியதாக தெரியவில்லை. சொல்லப்போனால் பல கணிப்புகளை அவர்கள் பொய்யாக்கியிருக்கிறார்கள். தேர்தல் முடிவுகள் வந்தவுடன் நாங்கள் சொன்ன கணிப்பே சரி என்று அவரவர் சொல்ல ஆரம்பிப்பார்கள்; அல்லது இரண்டுக்கு ஒன்று தவறாக கணிப்பது சகஜம்தான் என்ற தோரணையில் விளக்கம் வரும்.
ஆக மொத்தத்தில், கணிப்புகள் எப்படியிருந்தாலும் வாக்காளர்கள் தங்களுக்குள் என்ன முடிவு செய்கிறார்களோ அது அவர்களுக்குதான் வெளிச்சம்.

காரணம் 2 : இந்த தேர்தல் கணிப்புகள், அலசல்கள் மக்களின் மனதைச் சரியாக உணர வைக்கிறதோ இல்லையோ, கட்சிகள் தங்கள் குறை நிறைகளை எடை போட உதவுகின்றன. கணிப்புகள் கடந்த காலத்தில் ஏன் தவறாயின அல்லது சரியாக இருந்தன என்று அலசுவது கட்சிகளுக்கு ஆக்கபூர்வமான சிந்தனைகளை அளிக்கலாம்.

காரணம் 3: அட; பலர் கையில் கொறிக்க வைத்துக்கொண்டு சுவாரசியமாக டிவியில் பார்க்க உட்கார்ந்துவிடுவார்களே! Pஉரெ ஏன்டெர்டைன்ம்னெட் வலுஎ அட் தெ cஒச்ட் ஒf அ fஎந் cரொரெச் டொ தெ ஈன்டிஅன் எ௯செஃஉஎர். அதுதான் ஆயிரம் கோடியில் ஒரு திருவிழா என்று மாலன் சொல்லுகிறாரே :-)

அதுசரி; 33 சதவிகிதம் பெண்களுக்கு ஒதுக்கிட்டு சமாசாரம் எல்லாம் இந்த பார்லிமெண்ட்டிலாவது கவனிக்கப்படுமா? தேர்தல் வாக்குறுதிகளில் இந்த விஷயம் போகிற போக்கில் இடம் பெற்றுள்ளது. ஆனாலும் எவ்வளவு தூரம் இதில் கட்சிகள் தீவிரம் காட்டுகின்றன என்பது கேள்விக்குறிதான். கட்சிகளுக்குள்ளேயே பெண்களுக்கு நிறைய இடம் கொடுக்கவில்லையே? தமிழ் நாட்டில், திமுக போட்டியிடும் 15 இடங்களில் மூன்று சீட்தான் பெண்களுக்கு கொடுத்துள்ளது. அதிமுக - 33 இடங்களில் 2 - பிஜேபி 7 இடங்களில் ஒன்றே ஒன்றுதான் காங்கிரஸ் - 10 இடங்களில் ஒன்றே ஒன்று. பார்லிமெண்டில் இவர்கள் என்ன செய்கிறார்களென்று பொறுத்திருந்து பார்க்கலாம்.

இருந்தாலும் பொதுவாகவே பெண்களுக்கு அரசியல் ஈடுபாடு குறைச்சலோ? சிங்கப்பூரில் இருந்தபோது சிங்கப்பூர் பெண்கள் ஏன் அரசியலில் அதிகமில்லை என்று எழுதிய என்
பழைய கட்டுரை ஒன்று இங்கே படியுங்கள்.
" குடும்பத்தை முதலில் கவனித்துவிட்டு பின்னர்தான் நாடும் அரசியலும் கவனத்தில் வருகின்றன பெண்களுக்கு - அதாவது அவர்களுக்கு சுமார் 40 வயதானபின். ஆண்களோ முப்பதுகளிலேயே அரசியலில் நுழைந்து விடுகின்றனர்." என்று ஒரு சிங்கப்பூர் பார்லிமெண்ட் ( முன்னாள்?) உறுப்பினர் கூறியுள்ளார். "..இன்று வேண்டுமானால் பெண் முதல்வர் என்பது இங்கே கற்பனைக்கெட்டாத விஷயமாக இருக்கலாம். ஆனால் இன்னும் 10 வருடங்கள் கழித்தும் இப்படியே இருக்கும் என்று சொல்ல முடியாது." என்றும் அவர் குறிப்பிட்டுள்ளார். இந்தக் கட்டுரை எழுதி சரியாக 8 வருடம் ஆகிறது. இன்று அங்கே பெண்கள் அரசியலில் ஈடுபாடு காண்பிக்கிறார்களா என்று அங்கிருப்பவர்கள்தாம் தெரியப்படுத்தவேண்டும்.

================இன்செர்ட் முடிவு=================

குறும்பன் said...

//கணிப்புகளும் ஜோசியம் போல்தான் என்பது என் கருத்து.//
என் கருத்தும் அதுவே.

கருத்து கணிப்பு அறிவியல்பூர்வமானது என்றால் ஏன் ஒவ்வொரு கருத்து கணிப்பும் வேறுபட்ட முடிவுகளை சொல்கிறது?.

திமுக கூட்டணிக்கு ஆதரவாக பதிவான வாக்குகள் சதவீதத்தில்.

ஸ்டார் நியூஸ் - 74.78 %
டைம்ஸ் நௌ - ஹன்ஸா - 64.10 %
சிஎன்.என் - ஹிந்து - 67.09 % - 71.36 %
இது Exit poll results, not pre pool results.

தேர்தலின் போது கருத்து கணிப்பு என்பது பத்திரிக்கைகள் செய்யவேண்டிய ஒரு சடங்கு. அதற்குமேல் நாம் அதற்கு மதிப்பு கொடுக்க கூடாது. :-)

Anonymous said...

நானே தமிழ் மணத்தில் ஜாலியா எத்தனையோ வாட்டி கலைஞருக்கு கள்ள ஓட்டு போட்டேன். தமிழ் மணம் exit poll ரிசல்டை கண்டுக்காதீங்க அருணா. அது சும்மா ஜாலிக்கு

theevu said...

//, எல்லாவற்றையும் கூட்டிக் கழித்து மக்கள் மனசுக்குள் யோசித்து, போடும் கணக்குதான் கடைசியில் மோட்சம் என்பது நிரூபிக்கப்படுகிறதோ?//


உண்மையில் கடைசிநேரம்தானா அனைத்து வாக்காளர்களும் முடிவெடுக்கிறார்கள்?

மணியன் said...

கருத்துக் கணிப்பு தமிழ்நாட்டைப் பொறுத்தவரை கடினமானதே. கல்லூரி காலத்திலேயே நாங்கள் ஒருவருக்கு வாக்குறுதி கொடுத்துவிட்டு இன்னொருவருக்கு வாக்கு போடுவதுதான் இயல்பு. தேர்தல் சாவடி கொடுக்கும் அந்தரங்கத்தில் குத்திய குத்தை வெளியில் வந்து மாற்றித் தான் சொல்வார்கள். வலையுலகிலேயே அடையாளம் காட்டவிரும்பாததைப் போல தமிழர்கள் வெளியுலகில் பயங்கர hypocrites.

பி.கு: இப்போதைய கருத்துக்கணிப்பின் முடிவுகளால் கூறவில்லை.

Anonymous said...

ஆமாம். மணியன் அவர்களின் கருத்து ஓரளவிற்கு ஏற்றுக்கொள்ளக் கூடியதே. சென்ற நாடா. தேர்தலுக்கு முன் தேர்தலில் தமிழகம் இதைத்தான் செய்தது. இந்தியா டுடே - கூட தமிழர்களை (வழக்கம் போல) கேலி செய்ய அச்செயலைப் பயன்படுத்திக் கொண்டது.

பிரதீப் said...

எக்சிட் போல் பற்றிய ஜெயா டிவியின் கருத்துக் கணிப்பை இங்கே பாருங்கள்...

http://pradeepkt.blogspot.com/2006/05/blog-post.html

Aruna Srinivasan said...

எஸ்கே, பிரதீப், மணியன், குறும்பன், அனானி, கணிப்புகள் பலவிதமாக வருகின்றன என்பதைத்தான் நானும் சுட்டிக் காட்டியுள்ளேன். மற்றபடி அவற்றை அப்படியே நம்பிவிடுவோமா என்ன? :-)
The jury is still out there என்பதுதான் நான் சொல்வதும்.

"வழவழா....." நான் முன்பு சொன்னதில் இப்போதும் எந்தவித மாற்றமும் இல்லையே :-) இருந்தாலும் நினைவு வைத்துக்கொண்டு பழசை எடுத்துப் போட்டு நினைவூட்டியதற்கு நன்றி. :-)

தீவு, வாக்காளர்கள் எப்போது முடிவு செய்கிறார்கள் என்று யார் ஊகிக்க முடியும்? ஆனாலும் கடைசி நிமிடத்தில் படித்துவிட்டு போய் பரிட்சை எழுதி பாஸ் செய்தவர்களும் உண்டு இல்லையா? அதுபோல் கடைசி நிமிடத்தில் முடிவு செய்பவர்களும் / மாற்றிக்கொள்கிறவர்களும் இருக்கலாம்.

sam said...

Anonymous said...
நானே தமிழ் மணத்தில் ஜாலியா எத்தனையோ வாட்டி கலைஞருக்கு கள்ள ஓட்டு போட்டேன்.// தமிழ்மணத்திலும் இப்படி!
பொறுப்பற்ற இந்த மாதிரி அனானிகளையும், முகத்தை மறைப்பதால் ஏற்படும் இந்த நியாயமற்ற தைரியத்தையும் வெறுப்பதாலேயே இந்த முகம் மறைத்துத் திரியும் அனானிகளை நான் புறந்தள்ளச் சொல்லுகிறேன்.