Wednesday, January 26, 2005

கடந்த வியாழன்று ஹிந்து பேப்பரைத் திறந்தவுடனேயே ஒரு பெண்ணின் படம் மனசில் ஒரு துள்ளலைக் கொண்டு வந்தது. காதில் இரண்டு காதணிகள்; மூக்கில் ஒன்று; கழுத்தில் போட்டிருந்த குட்டி சங்கிலி காற்றில் தூக்கி நிற்கிறது; உதட்டை மெல்லக் கவ்வியவாறு இரண்டு கைகளாலும் மட்டையைப் பிடித்துக் கொண்டிருந்தார். கண்களில் ஒரு குறுகுறுப்பு; மலர்ச்சி; தன்னம்பிக்கை தெறித்தது. (( ஹ்ம்... ஹிந்துவின் இணைய பக்கத்தில் போட்டோ இல்லாமல் செய்தி. ஆனாலும் குடைந்ததில் சுமாராக ஒன்று கிடைத்தது. )

ஆனால் அன்று பேப்பரில் அந்த படத்தைப் பார்த்தவுடனேயே ஏது இந்திய பெண் போலிருக்கே; டென்னிஸ் விளையாட்டில் ஏதும் இந்தியப் பெண் பெயர் இதுவரை என் கண்களில் படவில்லையே ( விளையாட்டு சமாசாரங்களில் நான் ஒரு ஞான சூன்யம் என்பது தெரிந்த விஷ்யம் என்றாலும் அவ்வப்போது இப்படி தலைப்பு செய்திகளில் வரும் பெயர்கள் கவனத்தைக் கவரும்) என்று யோசித்தபடியே செய்தியைப் படித்தேன். சரிதான் இந்தியப் பெண்தான். சானியா மிர்ஸா. அப்புறம் இந்த வாரம் முழுக்க இந்தப் பெண்தான் என் ஹீரோயின். டிவியில் செய்தி/ பேட்டி வந்தபோதெல்லாம் ஓடி வந்து கவனித்தேன். சும்மா சொல்லக் கூடாது. டென்னிஸ் விளையாட்டு நுட்பங்களெல்லாம் தெரியாது. ஆனால் இந்தப் பெண்ணின் ஆளுமை / தன்னம்பிக்கை முகத்தில் ஒரு தேஜஸ் - இதெல்லாம் இவர் நிச்சயம் சரித்திரம் படைக்கப் போகிறார் என்று சொல்கிறது. விம்பிள்டன் ரொம்ப தூரம் இல்லை :-)

**** **** ****

சமீபத்தில் ஒரு செய்தி படித்தேன். Hewlett-Packard தலைமை அதிகாரி, Carly Fiorinaவை
HP Board சற்று ஓரங்கட்ட பார்ப்பதாக. உலகில் இன்று சக்தி வாய்ந்த பெண்களில் ஒருவராக கருதப் படும் இவர் வேலைக்கும் ஆபத்தா என்று வியப்பாக இருந்தது. இவரையும் இன்னும் சில பெண் தலைமையதிகாரிகள் பற்றியும் படிக்கும்போதெல்லாம் பெண்கள் முன்னேற்றத்திற்குத் தடையாக இருக்கும் கண்ணாடிக் கூரை சரிந்துகொண்டு இருக்கிறது என்று எனக்குள் ஒரு உவகை வரும். ஆனால் இந்தச் செய்தியைப் படித்தவுடன் ஏதேது அத்தனை எளிதில் கண்ணாடி கூரை தகறாது போலிருக்கே என்று தோன்றிற்று.

போதாதற்கு இந்த ஹார்வேட் பல்கலைகழக தலைவர் வேறு பெண்களுக்கு அவ்வளவாக விஞ்ஞான அறிவு போதாது என்று கூறியுள்ளார். எனக்கு வர கோபத்தில்......grr..grr..... யாரோ எதையோ சொல்லிவிட்டுப் போகட்டுமே என்று விடத் தோன்றவில்லை. அதுவும் இபப்டி ஒரு உயரிய பதவியில் உள்ளவர்களெல்லாம் இப்படி பொறுப்பில்லாமல் உளறினால் எப்படி? இந்தச் செய்தியை எழுதிய பாலாஜி, மேரி கியூரி அம்மையாரை உதாரணம் காட்டியுள்ளார். அதுசரி. அது அந்தக் காலம். இப்ப சமீபத்து பெண்களில் யார் யாரை அடையாளம் காட்டலாம் என்று எண்ண ஆரம்பித்தேன். முதலில் ஞாபகம் வந்தது கிரண் மஜும்தார். ( சில சமயம் நம்ம மூளை கூகிள் மாதிரி வேலை செய்யும் போலிருக்கு. சமீபத்து நிகழ்ச்சிகள்தாம் டாப் லேயர்லே ரிலீஸ் ஆகிறது.) அப்புறம் யோசித்தேன்; brewing technology படித்துவிட்டு எதேச்சையாக பயோ டெக் தொழிலில் நுழைந்த கிரணை ஒரு விஞ்ஞானி என்று சொல்வது சரியா என்று. ஆனால் தொழில் நுட்பம் என்பதும் விஞ்ஞானத்தின் ஒரு அங்கமே என்று என்னுள் ஒரு விளக்கமும் கூடவே எழுந்தது. (விஞ்ஞானியோ இல்லையோ, இன்று இவர் இந்தியாவில் richest பெண் - அதோடு இன்றைக்கு அவருக்கு ஒரு பத்ம விருதை அறிவித்து இந்திய அரசும் அவரை கௌரவித்துவிட்டது.

சரி.... அப்புறம் இன்னும் பெண் விஞ்ஞானிகள்.....? கூகிள் கொடுத்த லிஸ்ட்டுகளில் இது கவனத்தை ஈர்த்தது.

இதில் இந்திய பெண் விஞ்ஞானிகள்..... ம்ம்.....பொறுங்கள் இதோ தேடிப் பார்த்து சொல்கிறேன்...!!!

பி.கு. அதுசரி.. இந்த பாலாஜி நரசிம்மன் யாருங்க? நம்ம வலைப் பதிவாளர்கள் அரங்கிலே யாராவது....??

பி.கு - 2. அவ்வப்போது சில பதிவுகளில் ற்,ர, ல,ள, போன்றவைகள் திருத்தப்படுகின்றன; அல்லது மெய்யெழுத்து எங்கே வர வேண்டும் / வேண்டாம் என்றெல்லாம் இலக்கண வகுப்புகள் நடக்கின்றன. இங்கேயும் அப்படி "நக்கீர" பிழைகள் இருந்தால் சுட்டிக் காட்டினால் என் தமிழும் சற்று பிழைக்கும் :-)

5 comments:

test said...

சானியா மிஸ்ரா-வின் கூகிள் படத் தொகுப்புஅன்புடன்,
கணேசன்

Anonymous said...

The new NIH communicable disease division director is Chitra Kannabiran. There are many women scientists from India who achieved a lot, may not have come up to that top level, but do exist.

Aruna Srinivasan said...

கணேசன், படங்கள் சூப்பர். ஒரே சானியா மழை. ரொம்ப நன்றி. ஆனாலும் ஹிந்துவில் வந்த அந்த ஒரு துளியை மட்டும் காணோம் !! :-( அந்தப் படத்தில் photo - Reuters என்று இருந்தது.

Anonymous, சித்ரா கண்ணபிரானை அடையாளம் காட்டியதற்கு நன்றி. நீங்கள் சொல்வதை ஆமோதிக்கிறேன். நிறைய இந்தியப் பெண் விஞ்ஞானிகள் இருக்கிறார்கள் - ஓசையில்லாது; வெளியுலகுக்கு தெரியாமல். இவர்கள் சாதனைகள் வெளி வர வேண்டும் என்பதே என் ஆசையும்.

சுக்குகாப்பி said...

/நிறைய இந்தியப் பெண் விஞ்ஞானிகள் இருக்கிறார்கள் - ஓசையில்லாது; வெளியுலகுக்கு தெரியாமல். இவர்கள் சாதனைகள் வெளி வர வேண்டும் என்பதே என் ஆசையும். /

வெளங்காத புல்லையா இருக்க!
சானியா மாதி கவர்ச்சி போட்டோ உட்டுபாரு.

Anonymous said...

Hey, you have a great blog here! I'm definitely going to bookmark you!

I have a il giovane holdent-shirt site called Holden Tees. We're a small company and we sell shirts and stuff.

Come and check it out if you get time

-Holden Tees